尋日有段時間好唔開心的，因為男友打黎話佢有機會失約。幸好，夜晚佢同我講又OK了，即刻開心到失眠 (講下咋~)。 今日既行程係去石崗軍營。第一次同CANDICE去街，估唔到咁開心呀~ 第一件事係等巴士，等左好死耐都未有車，我同男友就叫CANDICE去買早餐先啦，車唔會咁快黎既。點知，CANDICE一過左馬路架車就黎，我立即打電話俾CANDICE返黎。幸好佢都一早買完兼望到，真係好驚險AR~ 之後我地都好低B地講呢個現象為"LAW OF ATTRACTION" ，哈~ 去到軍謍，見到坦克車AR，直升機AR，大炮等~我地好似小朋友咁咁興奮，周圍影相。我最鐘意既係個軍人表現"五分鐘摺被大法"，10個勁!! 摺被都可以有90角度，真係NOTHING IS IMPOSSIBLE~有D人講話會返到去表現俾我睇喎~ (承諾呀) 其實D軍人生活都幾悶下，平日都只可以留係軍營，星期六,日都唔可以出去，一年只有新年可以返鄉下。俾我的話，會點呢? 之後我地就搭西鐵去MK行街，我買左個扭計骰玩。我真係勁，扭唔夠兩下就俾我扭爛。好彩老闆好人，可以俾我換。個骰俾我扭到亂晒啦，唔知幾時可以回復原貌呢? 係MK傾下計，食下野，時間6點要散啦~ LOOK FORWARD YO HAVING OUR NEXT GATHERING~~ 火車途中，聽到西貢發生嚴重車禍，一方面慶幸行程臨時有變無去西貢，另一方面見到D家屬喊得咁慘，個心都唔舒服~ 人與人之間既緣份真係好奇妙，幾年前就算同班都唔熟，反而幾年後見返可以有咁有話題，仲會無啦啦都摧到;但有D幾年前好好既朋友，畢左業後就好似失蹤咁....我有為咁而好唔開心，你呢? 呢排男友成日同我講"鬼話"，其實開頭我會覺得好亂，好煩，好想STOP你...但跟住自己靜落黎再去思考，發覺其實你講D野都有道理。或者係你面前，我會無意中出現D抗拒既表現，但希望你唔好介意而唔再講，其實我係真心想聽的~ 
| 
